दसैंको टीकाको उत्तम साइत कात्तिक ४ गते बिहान १०ः२६ बजे

काठमाडौं । यस वर्षको बडादसैंअन्तर्गत विजया दशमीको टीकाको उत्तम साइत कात्तिक ४ गते बुधबार बिहान १०ः२६ बजे रहेको नेपाल पञ्चाङ्ग निर्णायक विकास समितिले जनाएको छ। समितिका अनुसार विजया दशमीका दिन बिहान ८ः४९ बजे देवी विसर्जनको शुभसाइत रहेको छ।

टीका लगाउँदा टीका लगाइदिने र टीका लगाइमाग्ने दुवै जना पश्चिम मोहडा फर्किनुपर्ने समितिले जनाएको छ। विजया दशमी आफैँमा शुभ दिन भएकाले दिनभर टीका लगाउन सकिने भए पनि उत्तम साइत खोज्नेहरूका लागि बिहान १०ः२६ बजेको समय तोकिएको हो।

असोज २५ गते घटस्थापना

यस वर्षको नवरात्रारम्भ तथा घटस्थापना असोज २५ गते आइतबार हुनेछ। घटस्थापनाको शुभसाइत बिहान ११ः४७ बजे रहेको समितिले जनाएको छ।

घटस्थापनाका दिन चित्रा नक्षत्र र वैधृति योगसमेत पर्ने भएकाले घटस्थापना गर्नुअघि चित्रा नक्षत्र र वैधृति योगको शान्ति गरेर घटस्थापना गर्नु शास्त्रसम्मत हुने समितिको भनाइ छ।

नवरात्रको सुरुवातसँगै दसैंका धार्मिक विधि तथा पूजा आराधना सुरु हुनेछन्। घटस्थापनामा जमरा राखेर नवदुर्गाको पूजा आराधना गर्ने परम्परा रहँदै आएको छ।

असोज २६ गते झण्डा फेर्ने साइत

समितिका अनुसार असोज २६ गते सोमबार बिहान १०ः०७ बजे झण्डा फेर्ने शुभसाइत रहेको छ। झण्डा फेर्दा पनि पश्चिम मोहडा फर्काएर फेर्नुपर्ने जनाइएको छ।

त्यसैगरी असोज २९ गते बिहीबार श्रीपचलीभैरव यात्रा हुनेछ। दसैंका विभिन्न धार्मिक तथा सांस्कृतिक गतिविधि यस अवधिमा क्रमशः सञ्चालन हुनेछन्।

असोज ३१ गते फूलपाती

यस वर्ष असोज ३१ गते शनिबार फूलपाती परेको छ। फूलपातीका दिन श्री तुलजाभवानी यात्राको शुभसाइत बिहान ७ः३७ बजे रहेको छ।

त्यसैगरी तुलजाभवानीलाई स्थिरासनमा राख्ने शुभसाइत बिहान १०ः३९ बजे रहेको समितिले जनाएको छ। फूलपातीसँगै दसैंको मुख्य धार्मिक गतिविधि अझ बढ्ने गर्छ।

कात्तिक १ गते महाष्टमी, ३ गते महानवमी

कात्तिक १ गते आइतबार महाष्टमी तथा कालरात्रि मनाइनेछ। त्यसैगरी कात्तिक ३ गते मंगलबार महानवमी परेको छ।

महाष्टमी र महानवमीका दिन विभिन्न शक्तिपीठ तथा देवीका मन्दिरमा विशेष पूजा, आराधना तथा धार्मिक गतिविधि हुने गर्छन्। दसैंका यी दिनहरूमा भक्तजन शक्तिपीठ तथा देवीका मन्दिरमा पुग्ने परम्परा छ।

कात्तिक ४ गते विजया दशमी

दसैंको मुख्य दिन कात्तिक ४ गते बुधबार विजया दशमी परेको छ। सोही दिन देवी विसर्जन तथा मान्यजनबाट टीका र जमरा ग्रहण गर्ने गरिन्छ।

समितिका अनुसार बिहान ८ः४९ बजे देवी विसर्जनको शुभसाइत रहेको छ भने त्यसपछि बिहान १०ः२६ बजे टीका लगाउने उत्तम साइत रहेको छ। टीका लगाउँदा पश्चिम मोहडा फर्किनुपर्ने व्यवस्था पनि समितिले जनाएको छ।

विजया दशमीका दिन मान्यजनबाट रातो टीका, जमरा तथा प्रसाद ग्रहण गरी आशीर्वाद लिने परम्परा छ। विभिन्न स्थानमा परिवार, आफन्त तथा मान्यजनसँग भेटघाट गर्दै दसैं मनाउने गरिन्छ।

तुलजाभवानी यात्रा र खड्गयात्रा पनि

विजया दशमीकै दिन श्री तुलजाभवानी यात्राको शुभसाइत बिहान १०ः५१ बजे रहेको छ। तुलजाभवानीलाई स्थिरासनमा राख्ने शुभसाइत दिवा ११ः५२ बजे रहेको समितिले जनाएको छ।

सोही दिन खड्गयात्रा समेत हुनेछ। यससँगै विजया दशमीका धार्मिक तथा सांस्कृतिक विधिहरू सम्पन्न हुँदै जानेछन्।

कात्तिक ८ गते दसैंको समापन

दसैंको अन्तिम महत्वपूर्ण धार्मिक गतिविधिका रूपमा कात्तिक ८ गते आइतबार अखिलबलिपूर्ति तथा कोजाग्रत पूजा हुनेछ।

यस दिन कोजाग्रत व्रत तथा पूर्णिमा व्रतसमेत पर्ने समितिले जनाएको छ। साँझ घरघरमा धनधान्यकी देवी महालक्ष्मीको पूजा आराधना गरेपछि करिब १५ दिन लामो दुर्गापक्ष अर्थात् दसैं पर्वको समापन हुने जनाइएको छ।

यस वर्षको दसैंमा घटस्थापनादेखि विजया दशमी हुँदै कोजाग्रत पूजासम्म विभिन्न धार्मिक तथा सांस्कृतिक विधि निर्धारित साइतअनुसार सञ्चालन हुनेछन्। विशेषगरी विजया दशमीको दिन टीका र जमरा ग्रहण गर्ने भएकाले कात्तिक ४ गते बिहान १०ः२६ बजेको साइतलाई उत्तम साइतका रूपमा तोकिएको छ।

काठमाडौं । यस वर्षको बडादसैंअन्तर्गत विजया दशमीको टीकाको उत्तम साइत कात्तिक ४ गते बुधबार बिहान १०ः२६ बजे रहेको नेपाल पञ्चाङ्ग निर्णायक विकास समितिले जनाएको छ। समितिका अनुसार विजया दशमीका दिन बिहान ८ः४९ बजे देवी विसर्जनको शुभसाइत रहेको छ।

टीका लगाउँदा टीका लगाइदिने र टीका लगाइमाग्ने दुवै जना पश्चिम मोहडा फर्किनुपर्ने समितिले जनाएको छ। विजया दशमी आफैँमा शुभ दिन भएकाले दिनभर टीका लगाउन सकिने भए पनि उत्तम साइत खोज्नेहरूका लागि बिहान १०ः२६ बजेको समय तोकिएको हो।

असोज २५ गते घटस्थापना

यस वर्षको नवरात्रारम्भ तथा घटस्थापना असोज २५ गते आइतबार हुनेछ। घटस्थापनाको शुभसाइत बिहान ११ः४७ बजे रहेको समितिले जनाएको छ।

घटस्थापनाका दिन चित्रा नक्षत्र र वैधृति योगसमेत पर्ने भएकाले घटस्थापना गर्नुअघि चित्रा नक्षत्र र वैधृति योगको शान्ति गरेर घटस्थापना गर्नु शास्त्रसम्मत हुने समितिको भनाइ छ।

नवरात्रको सुरुवातसँगै दसैंका धार्मिक विधि तथा पूजा आराधना सुरु हुनेछन्। घटस्थापनामा जमरा राखेर नवदुर्गाको पूजा आराधना गर्ने परम्परा रहँदै आएको छ।

असोज २६ गते झण्डा फेर्ने साइत

समितिका अनुसार असोज २६ गते सोमबार बिहान १०ः०७ बजे झण्डा फेर्ने शुभसाइत रहेको छ। झण्डा फेर्दा पनि पश्चिम मोहडा फर्काएर फेर्नुपर्ने जनाइएको छ।

त्यसैगरी असोज २९ गते बिहीबार श्रीपचलीभैरव यात्रा हुनेछ। दसैंका विभिन्न धार्मिक तथा सांस्कृतिक गतिविधि यस अवधिमा क्रमशः सञ्चालन हुनेछन्।

असोज ३१ गते फूलपाती

यस वर्ष असोज ३१ गते शनिबार फूलपाती परेको छ। फूलपातीका दिन श्री तुलजाभवानी यात्राको शुभसाइत बिहान ७ः३७ बजे रहेको छ।

त्यसैगरी तुलजाभवानीलाई स्थिरासनमा राख्ने शुभसाइत बिहान १०ः३९ बजे रहेको समितिले जनाएको छ। फूलपातीसँगै दसैंको मुख्य धार्मिक गतिविधि अझ बढ्ने गर्छ।

कात्तिक १ गते महाष्टमी, ३ गते महानवमी

कात्तिक १ गते आइतबार महाष्टमी तथा कालरात्रि मनाइनेछ। त्यसैगरी कात्तिक ३ गते मंगलबार महानवमी परेको छ।

महाष्टमी र महानवमीका दिन विभिन्न शक्तिपीठ तथा देवीका मन्दिरमा विशेष पूजा, आराधना तथा धार्मिक गतिविधि हुने गर्छन्। दसैंका यी दिनहरूमा भक्तजन शक्तिपीठ तथा देवीका मन्दिरमा पुग्ने परम्परा छ।

कात्तिक ४ गते विजया दशमी

दसैंको मुख्य दिन कात्तिक ४ गते बुधबार विजया दशमी परेको छ। सोही दिन देवी विसर्जन तथा मान्यजनबाट टीका र जमरा ग्रहण गर्ने गरिन्छ।

समितिका अनुसार बिहान ८ः४९ बजे देवी विसर्जनको शुभसाइत रहेको छ भने त्यसपछि बिहान १०ः२६ बजे टीका लगाउने उत्तम साइत रहेको छ। टीका लगाउँदा पश्चिम मोहडा फर्किनुपर्ने व्यवस्था पनि समितिले जनाएको छ।

विजया दशमीका दिन मान्यजनबाट रातो टीका, जमरा तथा प्रसाद ग्रहण गरी आशीर्वाद लिने परम्परा छ। विभिन्न स्थानमा परिवार, आफन्त तथा मान्यजनसँग भेटघाट गर्दै दसैं मनाउने गरिन्छ।

तुलजाभवानी यात्रा र खड्गयात्रा पनि

विजया दशमीकै दिन श्री तुलजाभवानी यात्राको शुभसाइत बिहान १०ः५१ बजे रहेको छ। तुलजाभवानीलाई स्थिरासनमा राख्ने शुभसाइत दिवा ११ः५२ बजे रहेको समितिले जनाएको छ।

सोही दिन खड्गयात्रा समेत हुनेछ। यससँगै विजया दशमीका धार्मिक तथा सांस्कृतिक विधिहरू सम्पन्न हुँदै जानेछन्।

कात्तिक ८ गते दसैंको समापन

दसैंको अन्तिम महत्वपूर्ण धार्मिक गतिविधिका रूपमा कात्तिक ८ गते आइतबार अखिलबलिपूर्ति तथा कोजाग्रत पूजा हुनेछ।

यस दिन कोजाग्रत व्रत तथा पूर्णिमा व्रतसमेत पर्ने समितिले जनाएको छ। साँझ घरघरमा धनधान्यकी देवी महालक्ष्मीको पूजा आराधना गरेपछि करिब १५ दिन लामो दुर्गापक्ष अर्थात् दसैं पर्वको समापन हुने जनाइएको छ।

यस वर्षको दसैंमा घटस्थापनादेखि विजया दशमी हुँदै कोजाग्रत पूजासम्म विभिन्न धार्मिक तथा सांस्कृतिक विधि निर्धारित साइतअनुसार सञ्चालन हुनेछन्। विशेषगरी विजया दशमीको दिन टीका र जमरा ग्रहण गर्ने भएकाले कात्तिक ४ गते बिहान १०ः२६ बजेको साइतलाई उत्तम साइतका रूपमा तोकिएको छ।